無論係子平命理（八字）、奇門遁甲、紫微斗數，至或風水擇日，都需要用到傳統曆法去計算事實節氣。

一般人都以為呢啲係傳統國粹，係中國人嘅智慧，同西方人冇關係，但其實係錯誤嘅。

中國傳統曆法最遲喺唐朝已經受到印度嘅影響，中國傳統星命推步之學，即七政四餘，就係受到印度曆法影響，紫微斗數的命盤亦是。

然後到明朝後期，隨着耶穌會進入中國，西方哥白尼式嘅天文學挑戰中國傳統天文計算方式，至於清初，基本上已經係全盤接受西方嘅計算方式。

所以而家我哋用緊嘅「傳統」萬年曆係已經受西方現代科學所改進後的曆法。