網上交易其實十分平常。我一向都有係網上做transaction, e.g. ebay, fotop.net, hkej …etc，但一直以來都只會光顧本地或外國的網站。 對袓國嘅網絡世界，我始終滿有介心。莫講話錢銀交易，我連百度或其他任何 .CN website 都無甚好感！內地web design 的STYLE 實在不敢恭維：全頁充斥文字；所有hyperlink 都係 open in new window – 睇10個PAGE = 開咗10個WINDOW / TAB, 實在令人煩厭！！稍為看得上的，都不過是外國WEB2.0 網站的山寨版。所以過去無論我想係網上搵任何資料，我都by default filter 晒所有簡體中文網站！但係‧‧‧正所謂形勢比人强‧‧‧人，係要向現實低頭。有本書我遍尋各大書局不獲，最終只係當當網發現有得賣。經多個月掙扎，又見到幾位blogger 分享佢地(佢、佢)係當當訂書的經驗，所以我下定主意，係當當訂幾本香港搵唔到嘅書，試一試當前國內e-commerce 的水平！

昨天(21/4) 下單，今日就收到當當客戶服務的電郵。目前仍在等對方核實資料，預計仲要等多2-3星期先會收到書。

唔知點解我有小小緊張。就好似當年我第一次係EBAY BID 咗部LOMO，等待佢SHIP 過嚟時嘅心情！