昨晚第一次看夏韶聲(是藝名? 還是名定終生，以聲藝為業?)的live concert。坦白說我對danny 的認識很淺, 對他的音樂亦不大興趣，當初訂票是因為受gf之誥命。當然，他的lineup 確實是吸引，其他的我不大知道，但單是 包以正或是小田和夫，他們的名氣造藝都是獨當一面，以票價$200而論，可以話係超值！

這晚玩的歌, 有danny 自己的, 亦有演釋他人的作品，都是以80s舊歌為主。好慚愧, danny o既歌我識得好少, 其他金曲就唔駛問, 首首都係香港人o既集體回憶。所以若果就咁睇個song list, 可能以為係’金曲滿天星’之類o既懷舊金曲晚會, 咁當然唔會係啦，danny 加埋咁強o既band, 全都係技術型樂手, 將好多我地耳熟能詳o既金曲, 變成一首首動人o既soft rock, blue, light jazz 音樂。同一曲調, 一樣的歌詞, 但聽落完全唔同o既感覺, 加上danny o既聲音, 個晚我心裏面諗, 香港仲有danny summer!!! 到encore 時, danny 玩o左3首歌, <<交叉點>>, <<空櫈>> 係預期之內 , 叫人驚喜(感動)係佢玩o左一首歌, 佢只係介紹話20年前o既作品, 咁多年都冇再live 唱, 今日佢唱以首歌’你喚醒我的靈魂’ (1989)……….

DANNY稱當年在bank房初次認識的劉以達為’細路’，我心想’想當年達明一派都出道好早,你地唔係差好遠啫~ 駛唔駛講到自己咁老呀！’，點知今日上danny o既 website一睇，嘩！不得了！danny o既事業竟然係開始70年代!! 原來佢係同lotus, 溫拿等同期！(當然, 係70s’ danny 係唱酒廊，溫拿已經好紅。) 去到80s o既danny 江湖地位已經好高, 有文章仲稱danny為香港’搖擺之父’。JOE (前太極成員之一)係當晚其中一位lead gutarist, 佢話當年都只係幫danny做和音。由此種種, 亦可以解釋到點解danny 可以動員咁多位實力樂人做concert。

最後. 他對上一次在紅館開concert 已經係7年前。下次再有機會睇到咁有水準o既紅館show可能又要等多另一個7年了……..

p.s. 明明海報上有恭碩良個名，點解尋晚唔見佢ge?

official website: http://www.dannysummer.com/