高鐵有感 (re chris@facebook)

chris 係FACEBOOK 留言話:

最新一期"字花", 就登左669億可以出版11萬年既"字花", 真正推動本地文學. yeah~

諗著係FB 回佢, 點知打下打下, 愈打愈火, 打再幾十字出嚟, 唔好saai1, 轉過嚟BLOG 依邊放 😛

唔只係文學, 仲有好多好多野,例如教育, 環保, 本地工業, 科研, 社區發展, 扶貧…etc 都等緊政府出資扶持!669億真係一個大數目, 點樣駛依筆錢真係會影響香港未來幾十年嘅路向。 如果最終如政政府/地產商所願, 用669億放晒係一條慢速鐵路, 由大陸鑽入香港地底, 避過晒所有平民/貧民地帶, 直插入西九 — 香港未日到臨, 地產商正式棄守香港, 回歸祖國搵'更大發展空間' 前最後一塊可供掠奪搜刮的地皮 —- 用香港納稅人嘅錢補貼該地土地價值; 為住係港島, 西九的有錢人&專業人士更方便咁出入大陸搵銀, 為咗更方便國內大款係西九炒樓.

如果政府肯採用/參考公共專業聯盟方案, 將省回300億投資係其他政府一直忽視的領域, 為香港可持續發展謀出路! 

唔該政府高官同埋保皇黨唔好再左一句話'發展', 右一句'機遇',  就將可有嚟至民間的思考貶為'阻著地球轉'!!! 我係70's 後, 唔係80's, 但近來見一班功能組別, 保皇黨為政府, 為私利, 走到人前亂發UP風, 我見佢地如鬼魅魍魎, 佢地再係咁, 有日真係迫我上梁山!

高鐵有感 (re chris@facebook)” 有 1 則迴響

  1. 仲有, 你有冇發現阿唐唐, 我地既政務司, 居然冇出來一齊硬銷高鐵?! 因為係西九起高鐵, 將來會影響西九文化區. 因為D火車出出入入, 會震. 對起向上面既表演場館係好大既問題. 個度唔同紅館呀. 真正既藝術用既表演場館係要求好高. 據聞唐唐事前唔知佢西九下面要起車站, 所以係冇預算D地基會震. 以家, 玩死班ARCHITECT 呀. 所有野要計過, 西九將來既建築費, 就會"被逼"高好多. 我地到時又要比多D錢啦.

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

This site uses Akismet to reduce spam. Learn how your comment data is processed.