購買飛機權宜交回航空公司

點解咁高速成長o既市場，卻無法為航空公司產生利潤？

1. 中國高官好鍾意買飛機。去年向空中巴士公司購入二百一十九架飛機，佔空中巴士公司五分一訂單； 波音公司估計未來二十年中國將購入二千六百架新飛機約值二千一百三十億美元！搭客以年率15％速度上升，飛機數目卻以年率20％上升，結果載客率無法改 善，變成蝕本生意。
2. 政府向航空公司抽機場建設費。依家中國只有一百三十個機場，可處理一百萬人次一年，計劃係2020年再建五十五個國際機場，興建費 用卻落係航空公司身上。結果近年只有國航（753）因擁有港龍而獲利（唔受政府增加飛機影響），南方航空（1055）同東方航空（670）卻出現巨大虧 損，因為高官買返o黎o既飛機要佢地承擔。

上述不但令航空公司載客率下降，同時財務負擔亦加重；加上近年油價上升及被迫收購蝕本o既地方航空公司。航空公司另一 大支出係機師，係航班急速增加下，內地航空公司每年需要一千多名新機師。中國只有一間飛行學校係成都，每年最多可訓練六百名機師，結果只有向全球招聘，薪 金支出又成另一負擔。近年南方航空同澳洲合作開設飛行學校，為南方航空訓練新機師，希望可減少機師荒o既問題。

日後國泰（293）同港龍合併後，將成為強而有力o既競爭對手。中國高官可否將購買飛機權交番畀航空公司，國內航空公司形勢便立即扭轉，由蝕本轉為賺錢（載客率立即上升）。