曹仁超 – 投資者日記 (論內地消費股前景)

…有人睇好內地消費股，我老曹相信養成消費o既習慣要三代。例如香港五、六十年代我地父母一代受過貧窮之苦，賺到錢都唔捨 得使，帶佢去享受，佢地反而感覺罪過。七、八十年代我地一代香港人已擺脫貧窮進入小康，但我地仍量入為出，借錢買樓之時仍心慌；至於借錢遊埠諗都唔敢諗。 香港要到九十年代新世代(或叫Y世代)，借錢消費變成理所當然，信用卡、個人貸款、財務公司生意大盛，借錢遊埠、借錢結婚正常過唔正常。可以講到O左第三 代，港人才養成消費O既習慣。中國剛由貧窮走向小康，有排才進入消費性社會，令本港上市公司在拓展內地消費市場方面相當吃力。相信在可見將來，中國人仍停 留在日本人消費模式 (平時十分節儉，但購買名牌產品絕不手軟，目的係炫耀自己身家，而非真正欣賞品牌產品的品質)。